Байгалийн түүхийн музейн Далайн амьтдын сан хөмрөгт хадгалагдаж буй цуглуулгаар "Соёлын Бүтээлч Сар 2024" аяны хүрээнд “ДАЛАЙ ТЭНГИСИЙН СЭЭРНУРУУГҮЙТЭН” сэдэвт тусгай үзэсгэлэнг 11 дүгээр сарын 12-30-ны өдрүүдэд Байгалийн түүхийн музейн түр үзэсгэлэнгийн танхимд олны хүртээл болгох гэж байна.
Энэхүү үзэсгэлэнгээс далай тэнгисийн амьтдын төлөөлөл болох хясаа, дун, шүр, далайн од зэрэг олон төрөл цуглуулгыг нэг дороос үзэх боломжтой ба далай тэнгисээр аялан цагийг зугаатай өнгөрүүлэн, танин мэдэхүй, шинжлэх ухааны ач холбогдол бүхий мэдлэг, мэдээлэлтэй болох тул үзэгч та Байгалийн түүхийн музейг зорин гайхалтай үзэсгэлэнг шимтэн сонирхохыг урьж байна.
Үзэсгэлэн Байгалийн түүхийн музейн түр үзэсгэлэнгийн танхимд маргааш буюу 11-р сарын 12-ны өдрийн 11:30 цагт нээлтээ хийх ба энэ үеэр хүүхдэд зориулсан Шар тэнгисийн эрэг орчмын дун, хясааны тухай танин мэдэхүйн лекц, боловсролын хөтөлбөр хэрэгжинэ.
