“Улаанбаатар Биенналь 2025”-ийн хүрээнд Монгол Улс, Бүгд Найрамдах Солонгос Улс хоорондын дипломат харилцаа тогтоосны 35 жилийн ойг тохиолдуулан Хөх Нар Монголын Орчин Үеийн Урлагийн Төв, БНСУ-ын International Visual Culture and Arts Association -тай хамтарсан “Сарны дэргэд” Монгол-Солонгосын орчин үеийн урлагийн үйлдлийн амьд дүрслэх урлагийн павилионы нээлтийн үйл ажиллагаа өнөөдөр Байгалийн түүхийн музейд болж, ЗГХА Соёл, урлагийн газрын дарга Э.Цэнд-Аюуш нээж, Байгалийн түүхийн музейн захирал Др. И.Будбаяр үзэсгэлэнд оролцогч уран бүтээлчдэд мэндчилгээ хүргэлээ .

Тус үзэсгэлэнд Монгол Улсын 5, Бүгд найрамдах Солонгос Улсын 4 уран бүтээлчид орчин үеийн урлагийн үйлдлийн амьд дүрслэх урлагийн бүтээлүүдээ дэлгэлээ.

Үзэсгэлэн 2025 оны 06 дугаар сарын 20-ны өдрийг хүртэлх хугацаанд үргэлжлэх тул нийслэлийн иргэд, дотоод гадаадын жуулчид та бүхнийг хүрэлцэн ирж, үзэхийг урьж байна.