Монголын Байгалийн түүхийн музей, БНХАУ-ын Шанхай хотын Шинжлэх ухаан, технологийн музей хооронд 2024 онд байгуулсан Хамтын ажиллагааны гэрээний хүрээнд тус музейн Захиргааны газрын дарга Лэй Ли, Үзэсгэлэн, боловсролын төвийн хэлтсийн дарга Жин Вэнли нар Байгалийн түүхийн музейд өнөөдөр зочиллоо. Тэднийг Байгалийн түүхийн музейн захирал Н.Манчук (Sc.D), холбогдох мэргэжилтнүүд хүлээн авч уулзан шинжлэх ухааны музейн барилга байгууламж, үзүүллэг дэглэлтийн онцлогын тухай ярилцан цаашид талууд биологийн олон янз байдлын судалгаа хийх, үзэсгэлэн зохион байгуулах талаар санал солилцов.