2025 оны 10 дугаар сарын 27-31-ний өдрүүдэд БНХАУ-ын Шанхай хотод зохион байгуулагдаж буй симпозиумд Байгалийн түүхийн музейн захирал, доктор Н.Манчук тус форумд “Хил хязгааргүй динозаврууд: Байгалийн түүхийн музейнүүдийн олон улсын хамтын ажиллагааг хөгжүүлэх нь” сэдвээр илгэлт тавьж амжилттай хэлэлцүүлээд байна.
Симпозиум нь дараах гурван чиглэлээр болж байна:
Шинжлэх ухааны судалгаа
Технологийн инноваци
Боловсрол ба олон нийтийн оролцоо
Энэхүү арга хэмжээ нь дэлхийн тэргүүлэх палеонтологичид, музейн захирлууд, шинжлэх ухааны боловсролын мэргэжилтнүүдийг нэгтгэж, динозаврын судалгааг шинэ түвшинд хүргэх зорилготой юм.
Бид цуглуулгыг зөвхөн хадгалах бус, шинжлэх ухааны нээлт, боловсрол, олон нийттэй харилцах шинэ арга хэрэгсэл болгохыг зорьж байна.
