МОНГОЛ БАХАРХАЛ СОЁЛЫН БҮТЭЭЛЧ САР АЯН
ҮНДЭСНИЙ БАХАРХАЛТ АМЬТАН МАЗААЛАЙ БААВГАЙ ХӨТӨЛБӨРТ НИЙСЛЭЛИЙН НАЛАЙХ ДҮҮРГИЙН ЕРӨНХИЙ БОЛОВСРОЛЫН СУРГУУЛИУДЫН АХЛАХ АНГИЙН СУРАГЧИД ХАМРАГДЛАА
Соёлын бүтээлч сар аяны хүрээнд Байгалийн түүхийн музей нь Үндэсний бахархалт мазаалай баавгайг таниулах ажлын хүрээнд Монгол Улсын Ерөнхийлөгчийн Тамгын газар, Байгаль орчин, уур амьсгалын өөрчлөлтийн яамны санаачлагаар Нийслэлийн боловсролын газар, Байгаль орчны мэдээлэл сургалтын төвтэй хамтран хэрэгжүүлж байна.
Тус хөтөлбөрийн үйл ажиллагаанд Байгалийн түүхийн музейн Боловсрол, маркетингийн хэлтсийн дарга Т.Мөнхтүвшин, Налайх дүүргийн Нийгмийн хөгжлийн хэлтсийн дарга М.Баттулга, Боловсролын хэлтсийн мэргэжилтэн Ц.Даваажаргал нар оролцлоо.
Мазаалай баавгай бол дэлхийд зөвхөн Монголын говьд үлдсэн нэн ховор амьтан юм. Түүнийг хайрлан хамгаалах нь зөвхөн байгаль хамгаалагчдын бус харин бидний ирээдүй болсон сурагч бүрийн хариуцлага гэдгийг энэ сургалт урам зоригтойгоор таниуллаа.
Ийм ач холбогдолтой сургалт, аяллыг амжилттай зохион байгуулсан бүх байгууллага, багш нар, сурагчиддаа чин сэтгэлийн талархал илэрхийлье!
МАЗААЛАЙ - МОНГОЛЫН БАХАРХАЛ, БИДНИЙ ХАРИУЦЛАГА!
Байгалиа хамгаалъя, ирээдүйгээ хамгаалъя.
