БНСУ-ын Тэжон хот дахь Үндэсний Шинжлэх ухааны музей нь 2011 оноос эхлэн жил бүр уламжлал болгон Шинжлэх ухааны Музейнүүдийн Олон улсын хурлыг (ISSM, International Symposium of Science Museums) зохион байгуулж байгаа билээ. Энэхүү хуралд Байгалийн түүхийн музейгээс 2015 оноос хойш нийтдээ 5 удаа (5, 6, 7, 9, 12 дахь хурал) оролцож, аман болон ханын илтгэл хэлэлцүүлж байсан. Энэ жилийн 13 дахь удаагийн хуралд 2023 оны 11 дүгээр сарын 02-03 өдрүүдэд Эрдэм шинжилгээний хэлтсийн дарга, доктор Т.Тодгэрэл, эрдэм шинжилгээний ажилтан, доктор Б.Бадамцэцэг нар урилгаар оролцож, шинжлэх ухааны музейн ололт амжилт, хөгжил дэвшилттэй танилцан туршлага судаллаа.
