ДЭЛХИЙН БАЙГАЛЬ ХАМГААЛАХ ӨДӨР жил бүрийн гуравдугаар сарын 3-ны өдөр тохиодог билээ.
НҮБ-ын Ерөнхий Асамблейн 68 дугаар чуулганаар тус өдрийг тэмдэглэн өнгөрүүлэхдээ жил болгон өөр сэдвийн хүрээнд байхаар болсон. Тэгвэл 2023 онд энэ өдрийг “ЗЭРЛЭГ АМЬТАН, УРГАМАЛ ХАМГААЛАХ ХАМТЫН АЖИЛЛАГАА” уриатайгаар олон арга хэмжээ зохион байгуулахаар болсон бөгөөд “Байгалийн Түүхийн Музей” нь “Эрин Жаргам Соёл” ТББ-тай хамтран 4-18 насны хүүхэд, залуусын дунд гар зургийн уралдааныг зохион байгуулах гэж байна.
Монгол орны онгон дагшин байгаль, ховор, нэн ховор амьтан, ургамлыг хайрлан хамгаалах үйлсэд хүүхэд, залуусыг татан оролцуулах нь нэн шаардлагатай байгаа билээ. Үүнд соёл, урлагийн боловсрол олгох хөтөлбөр голлох үүргийг гүйцэтгэж байгаа юм. Тиймээс Байгалийн Түүхийн Музейн боловсролын хөтөлбөр нь энэхүү үйлсэд чиглэгдсэн экологийн боловсрол олгох чиглэлээр түлхүү явагдаж ирсэн.
Энэ удаад бид дээрх агуулгын хүрээнд зохион явагдах гэх байгаа гар зургийн уралдаанд зориулан Монгол Улсын улаан номонд орсон амьтан, ургамлын талаар мэдлэг олгох танхимын бус боловсролын хөтөлбөрийг Байгалийн Түүхийн Музей дээр хэрэгжүүлэх гэж байна. Иймд СӨБ-ын ахлах бэлтгэл анги, ЕБС 1-12 дугаар анги, Монголын хүүхдийн ордны Уран зургийн дугуйлан, Хүүхдийн Урлаг Бүтээх Төвийн Зургийн дугуйлан, МУБИС- ийн Дүрслэх Урлаг Технологийн Сургуулийн оюутнуудыг өргөнөөр оролцохыг урьж байна.
