Монгол Улсын Засгийн газрын үйл ажиллагааны хөтөлбөр, Нийслэлийн 2021-2025 онд хөгжүүлэх 5 жилийн үндсэн чиглэл, Монгол Улсын Соёлын сайд болон Нийслэлийн Засаг дарга бөгөөд Улаанбаатар хотын Захирагч нарын 2023 онд хамтран ажиллах гэрээнд нийслэлийн иргэд, олон нийтийн соёлын боловсролыг дээшлүүлэх зорилтыг хэрэгжүүлэхээр тусгагдсаны дагуу, Үндэсний эв нэгдэл, Монгол өв соёлыг сурталчилсан олон талт ажил зохион байгуулах, Хүмүүнлэг, оюунлаг хотын иргэдийг бэлтгэхэд боловсрол, соёлын байгууллагын хамтын ажиллагааг өрнүүлж, Хотын соёлыг төлөвшүүлнэ гэсэн зорилтын хүрээнд Улаанбаатар хотод үйл ажиллагаа явуулж буй Соёл, урлагийн байгууллагуудын нэгдсэн өдөрлөг 2023 оны 04 дүгээр сарын 14,15-ны өдрүүдэд Д.Сүхбаатарын талбайд зохион байгуулагдсан.
“Улаанбаатар хаврын баяр 2023”-ын хүрээнд зохион байгуулагдаж буй Улаанбаатар хотод үйл ажиллагаа явуулж буй соёл, урлагийн байгууллагуудын нэгдсэн өдөрлөг хоёр өдрийн турш Д.Сүхбаатарын талбайд үргэлжилж өндөрлөлөө.
Тус өдөрлөгт Байгалийн Түүхийн Музей нь иргэд, хүүхэд, залуучуудад байгууллагынхаа сургалт сурталчилгааны үзмэр, үйл ажиллагаагаа нээлттэй хүргэж амжилттай оролцлоо.
