Соёлын бүтээлч сар” аяны хүрээнд Байгалийн Түүхийн музей нь Мэргэжлийн Хөтөч Тайлбарлагчдын Холбоотой хамтран “Байгалийн Түүхийн музейг тайлбарлах арга зүй” танхимын сургалтыг амжилттай зохион байгууллаа.
Сургалтад нийт 35 жуулчны компани, тур агентлагийн хөтөч, тайлбарлагч болон хувь иргэд 60 гаруй хүн оролцлоо.
Сургалт хөтөлбөрийн дагуу зохион байгуулагдаж Мэргэжлийн Хөтөч Тайлбарлагчдын Холбооны сургагч багшийн хичээлээр эхлэн Байгалийн Түүхийн музейн эрдэм шинжилгээний ажилтнууд ертөнцийн үүсэл, хүний үүсэл, амьдралын үүсэл болон Монгол орны хөхтөн амьтад, ургамал, шавж, шувуу, загас хоёр нутагтан, геологи, палеонтологи сэдвүүдээр шинжлэх ухааны мэдлэг, мэдээлэл өгсөн сонирхолтой танилцуулгуудыг хийсэн ба музейн тайлбарт аяллыг зохион байгуулав.
