Монгол Улсад орчин цагийн музей үүсэж хөгжсөний 100 жилийн ойд зориулж Завхан аймгийн музей, Байгалийн түүхийн музейтэй хамтран “Нууцлаг ертөнц” сэдэвт үзэсгэлэнг Завхан аймгийн музейн үзэсгэлэнгийн танхимд дэглэж 2024 оны 07 дугаар сарын 01-ний өдөр нээлтээ хийлээ.
Одоогоос 100 жилийн өмнө Байгалийн түүхийн музейн үндэс суурь тавигдсан бөгөөд тэр цаг үед орон нутагт хамгийн анх Завхан аймагт орон нутаг судлах музей байгуулагдсан түүхтэй. Түүхт энэ ойг угтан олны хүртээл болж буй энэхүү “Нууцлаг ертөнц” үзэсгэлэнд сээрнуруугүйтэн буюу бидний хэлж заншснаар шавжийн олон төрөл зүйл нэг дор дэглэгдсэн бөгөөд та бүхэн хүрэлцэн ирснээр тэдний нууцлаг амьдралтай танилцах болно.
Үзэсгэлэн 7.1-9.1-ний өдрийг хүртэл үргэлжилнэ.
