Монгол Улсад орчин цагийн музей үүсэж хөгжсөний 100 жилийн ойн хүрээнд болон Байгалийн түүхийн музейн шинэ барилга баригдаж буйтай холбогдуулан ижил төстэй музейн үйл ажиллагаатай танилцах, музейн ажилтнуудын чадавхийг сайжруулах зорилготой ажил хэрэгч аяллыг ӨМӨЗО-ны Хөх хотод амжилттай зохион байгуулж нийт 41 ажилтан хамрагдав. Тус аяллаар Өвөр Монголын Багшийн Их Сургуулийн дэргэдэх Биологийн Төрөл Зүйлийн Музей, Өвөр Монголын Үндэсний музей, Шинжлэх Ухаан Технологийн Музей, Өвөр Монголын Байгалийн Түүхийн Музейн барилга байгууламж, үзүүллэг дэглэлт, үйл ажиллагаатай танилцан, тус музейн судлаачидтай уулзан харилцан туршлага солилцож, цаашдын хамтын ажиллагааны талаар харилцан яриа өрнүүлсэн уулзалт зохион байгуулав. Энэхүү аяллын үр дүнд нийт ажилтнууд ажлын чиг үүргийн хүрээнд мэдлэг мэдээлэл цуглуулж, шинэлэг санаа хуримтлуулсан, хамт олны дунд найрсаг, хүнлэг харилцаа батажсан үр дүнтэй сайхан аялал болж өндөрлөлөө.
