Байгалийн түүхийн музейн Захирал Др. И.Будбаяр олон улсын болон орон нутгийн тээвэр логистикийн үйлчилгээ үзүүлдэг Ландбридж ХХК-ийн үүсгэн байгуулагч, ТУЗ-ийн дарга, Эл Би Прожект ХХК-ийн Гүйцэтгэх захирал Н.Жагварал нар 2025 оны 03 дугаар сарын 21-ний өдөр Хамтын ажиллагааны санамж бичигт гарын үсэг зурлаа.
Музейн соёлын үнэт зүйлсийг тээвэрлэх ажлыг мэргэжлийн байгууллагаар гүйцэтгүүлэх энэхүү чухал санамж бичгийн хүрээнд тус музейн үзмэрүүдийг олон улсад болон орон нутагт аюулгүй тээвэрлэж, логистикийн үйлчилгээ үзүүлэх чухал ач холбогдолтой.
Ландбридж ХХК нь 2008 оноос хойш төмөр зам, агаар, далай болон авто зам зэрэг тээврийн бүх төрлөөр улс хоорондын болон орон нутгийн тээвэр логистикийн иж бүрэн үйлчилгээ үзүүлж байгаа бөгөөд дэлхийн 90 гаруй орны 2000 гаруй агентын сүлжээг ашигладаг туршлагатай байгууллага юм.
Тус байгууллага нь 2023 оны 10 дугаар сард Францын Нант хотын Түүхийн музейд Их эзэн Чингис хаан ба Монголын эзэнт гүрний тухай гаргасан үзэсгэлэнгийн тээвэр логистикийн амжилттай гүйцэтгэсэн байна.
