Монгол Улсын хэмжээнд үйл ажиллагаа явуулж байгаа аялал жуулчлалын компани, тур операторын хөтөч, тайлбарлагч нарт зориулсан "Байгалийн түүхийн музейг тайлбарлах арга зүй" сэдэвт гэрчилгээ олгох сургалтыг 2025 оны 03 дугаар сарын 27-ны өдөр амжилттай зохион байгууллаа.
Тус сургалтыг Байгалийн түүхийн музейн Боловсрол, маркетингийн хэлтсийн дарга доктор Ж.Мяндас нээж үг хэлэн, суралцагчдад амжилт хүслээ. Тэрээр музейн түүхэн хөгжил, одоогийн үзүүллэг дэглэлт, байгууллагын бүтэц, зохион байгуулалт болон ирээдүйн төлөвлөгөөний талаар танилцуулав.
Мэргэжлийн хөтөч, тайлбарлагчдын холбооны сургагч багш, МҮМ-н арга зүйч М.Мөнгөнцэцэг, Байгалийн түүхийн музейн Эрдэм, шинжилгээний хэлтсийн дарга Ж.Мягмарсүрэн болон эрдэм шинжилгээний хэлтсийн ажилтнууд онолын мэдлэг олгох сургалт хийж, музейн тайлбарлагч Г.Мандухай, Т.Ижилмөрөн нар музейн танхимд дэлгэрэнгүй тайлбар хийх практик мэдлэг олгох сургалтуудыг тус тус удирдан явууллаа.
