ҮНДЭСНИЙ БАХАРХАЛТ ХӨХТӨН АМЬТАН “МАЗААЛАЙ”-ТАЙ ХАМТДАА
БАЙГАЛИЙН ТҮҮХИЙН МУЗЕЙ НЬ AR ТЕХНОЛОГИ АШИГЛАН ДИЖИТАЛ ҮЗМЭРҮҮДЭЭ ТIК ТОК ПЛАТФОРМЫН ФИЛЬТЕР ЦЭСЭД БАЙРШУУЛЛАА
Байнгын үзүүллэгт дэглэгдсэн үлэг гүрвэл, шувуу, эрвээхэй болон Үндэсний бахархалт хөхтөн амьтан “Мазаалай”, Үндэсний бахархалт шувуу “Идлэг шонхор” зэрэг 15 үзмэрт AR технологи ашиглан 3D дүрслэл, текст, дуу авиаг хийж Tik Tok платформын фильтер цэсэд байршууллаа.
Энэхүү технологи нь үзэгчдийн сонирхлыг татаж, илүү ойлгомжтой, амьд мэт харагдуулахаас гадна хүрэх боломжгүй, ховор үзмэрүүдийг AR-аар ойроос үзэх боломж бүрдүүлж байгаа юм. AR технологийг ашигласнаар музей улам сонирхолтой, танин мэдэхүйн ач холбогдолтой орчин болж чаддаг.
Музейн палеонтологийн танхимын тайлбарыг QR код уншуулан англи, солонгос, хятад, монгол хэлээр сонсох боломжтой боллоо.
AR технологи ашиглан музейг илүү сонирхолтой хэлбэрээр үзэхийг хүсвэл та дараах алхмуудыг хийхэд л хангалттай.
TikTok аппыг татах
QR код уншуулах
Утасныхаа камер, Google Lens эсвэл QR уншигч апп ашиглан кодыг уншуулан гарч ирсэн холбоос дээр дарж TikTok руу орох
AR дүрсийг TikTok дээр харахдаа "Try this effect" гэсэн хэсэгт дарж, гар утасныхаа камерыг ашиглан AR дүрсийг бодит орчинд байрлуулна
AR дүрстэй контент үүсгэх
Камераа ашиглан AR дүрсийг өөрийн орчинд байрлуулж, бичлэг хийнэ
Эффект, дуу, текст нэмж, "Post" (Оруулах) товчийг дарж дагагч нартаа хуваалцана
Технологийн дэвшилтэй хөл нийлүүлэн БАЙГАЛИЙГ ОЙРООС мэдэрцгээе.
