БАЙГАЛИЙН ТҮҮХИЙН МУЗЕЙ НЬ "ОЮУНЛАГ ОЮУТАН-2025" ЭРДЭМ ШИНЖИЛГЭЭНИЙ БАГА ХУРЛЫГ 10 ДАХЬ ЖИЛДЭЭ АМЖИЛТТАЙ ЗОХИОН БАЙГУУЛЛАА
📍Байгалийн түүхийн музейгээс жил бүр уламжлал болгон зохион байгуулдаг "ОЮУНЛАГ ОЮУТАН 2025" эрдэм шинжилгээний бага хуралд палеонтологи, геологи, биологийн олон янз байдлын чиглэлээр Монгол Улсын их сургууль, Шинжлэх ухаан технологийн их сургууль, Монгол Улсын боловсролын их сургууль, Хөдөө аж ахуйн их сургуулийн нийт 15 оюутан судлаач илтгэлээ хэлэлцүүлж, амжилттай оролцлоо.
Оролцогчдоос:
✅Э.Төгөлдөр (ШУТИС, ГУУС) “Дундговь, Шуургант дүүргийн геологийн тогтоц, Хар толгой талбайн сансрын зургийн боловсруулалт” сэдвээр 1-р байр,
✅С.Сайнзаяа (МУИС, БУС) “Салхит уулын салхин сэнснээс шилийн сар (𝘉𝘶𝘵𝘦𝘰 𝘩𝘦𝘮𝘪𝘭𝘢𝘴𝘪𝘶𝘴)-д үзүүлэх нөлөөллийн үнэлгээ” сэдвээр 2-р байр,
✅О.Ижилмөрөн (ШУТИС, ГУУС) “Өмнөд Монголын эх газрын цэнгэг усны остракод ба биостратиграфи” сэдвээр 3-р байранд тус тус шалгарлаа.
Мөн Байгалийн Түүхийн Музейн захиргаанаас жил бүр судлаач оюутнуудаа амжилттай бэлтгэж оролцуулдаг ШУТИС-ийн багш, доктор Ж.Ундаръяа, МУИС-ийн багш, доктор С.Оюунгэрэл, ХААИС-ийн багш, доктор П.Ариунсүрэн нарт талархал хадгалуулав.
Хуралд оролцсон багш, оюутнууддаа дахин талархал илэрхийлж, цаашдын судалгааны ажилд нь өндөр амжилтыг хүсье.