Германы Холбооны Бүгд Найрамдах Улсын Гёрлиц хотын Сенкенберг Байгалийн түүхийн музей 
Монгол Улсын Байгалийн түүхийн музейтэй хамтын ажиллагааны Санамж бичигт гарын үсэг зурлаа.
Хамтын ажиллагааны хүрээнд талууд дараах чиглэлээр хамтран ажиллахаар тохиролцов:
Биологи, палеонтологи, геологийн шинжлэх ухааны салбарт хамтарсан судалгаа явуулах, эрдэм шинжилгээний нийтлэл хэвлүүлэх, үр дүнг танилцуулах; Монгол Улс болон Герман Улсад хамтарсан судалгаа, хайгуул, экспедиц зохион байгуулах; Хамтарсан шинжлэх ухаан, техникийн сургалт, семинар, хөтөлбөр хэрэгжүүлэх; Эрдэм шинжилгээний болон техникийн ажилтан солилцох; Хамтран ашиглах, дижитал мэдээллийн систем хөгжүүлэх; Үзэсгэлэн, боловсролын үйл ажиллагаа хамтран хэрэгжүүлэх; Талуудын сонирхолд нийцсэн бусад хамтын ажиллагааг хэрэгжүүлэх.
