БАЙГАЛИЙН ТҮҮХИЙН МУЗЕЙ, ХАМТЫН АЖИЛЛАГАА
Япон Улсаас Монгол Улсад суугаа Элчин сайд асан Кобаяши Хироюки, SORA BOTANICAL GARDEN-ийн цэцэрлэгжүүлэлт, ургамлын урлагийн нэрт мэргэжилтэн Сэйжүн Нисихата, Foundation Nihon Situke-no Kai байгууллагын ерөнхийлөгч Наоко Итох, мөн Funachu компанийн гүйцэтгэх захирал Наото Абико тэргүүтэй төлөөлөгчдийг
Байгалийн түүхийн музейн захирал, доктор (Sc.D) Н. Манчук, Үзүүллэг, үзэсгэлэнгийн хэлтсийн дарга О. Соронзонболд нар хүлээн авч уулзлаа.
Уулзалтын үеэр талууд:
Байгалийн шинжлэх ухааны үндэсний музейн шинэ барилга байгууламж, үзүүллэг дэглэлтийн онцлогийг танилцуулан санал солилцов.
Шинэ музейн гадаад тохижилт, цэцэрлэгжүүлэлтийн чиглэлээр хамтран ажиллах боломжийг ярилцав.
Тус уулзалтын хүрээнд дэлхийд нэрд гарсан ургамлын ертөнцийн судлаач Сэйжүн Нисихата шинэ музейн гадаад тохижилт, цэцэрлэгжүүлэлтийн төлөвлөгөөнд зөвлөн дэмжиж ажиллахаа илэрхийллээ.
