Өнөөдөр Байгалийн түүхийн музейн захирал доктор Н.Манчук, Үзүүллэг, үзэсгэлэнгийн хэлтсийн дарга О.Соронзонболд, Үзүүллэгийн зөвлөх Н.Хосбаяр нар дараах уулзалтуудыг хийв.
Нийтийн тээврийн хамтын ажиллагаа:
Улаанбаатар хотын Нийтийн тээврийн бодлогын газрын дарга Д.Отгонжаргалтай уулзаж, Байгалийн шинжлэх ухааны үндэсний музейн шинэ барилга байгууламжтай холбогдуулан Хан-Уул дүүргийн Их тэнгэрийн аманд нийтийн тээврийн буудал, чиглэлийг шинээр гаргах асуудлаар санал солилцов. Мөн шинэ байгууламжийн авто зогсоолд цахилгаан автобус болон жижиг тээврийн хэрэгсэл цэнэглэх түгээгүүрийг төлөвлөж байгуулахаар тохиролцов.
Хүн судлалын чиглэлээр хамтын ажиллагаа:
Монгол Улсын их сургуулийн антропологийн тэнхимийг үндэслэгч, доктор, профессор Д.Түмэн гуайг урьж уулзалт хийлээ. Уулзалтаар музейн “Хүний үүсэл, хөгжил” танхимын үзүүллэг дэглэлт болон агуулгын талаар санал солилцож, зөвлөгөө авч хамтран ажиллахаар боллоо.
Брендинг, дизайн хөгжүүлэлт:
залуу дизайнерууд нартай уулзаж, музейн брэндинг болон мерчендайзингийн хөгжүүлэлтийн талаар санал солилцов.
