Байгалийн түүхийн музейн захирал доктор Н.Манчук нь Байгалийн шинжлэх ухааны үндэсний музейн Ашиглалтын өмнөх захиргааны дарга Т.Бадрал, Байгалийн түүхийн музейн Боловсрол, маркетингийн хэлтсийн дарга Т.Мөнхтүвшин, гадаад харилцааны мэргэжилтэн доктор Ж.Мяндас, Эрдэм шинжилгээний хэлтсийн дарга Ж.Мягмарсүрэн нарын хамтаар Монгол улсад суугаа элчин сайд, суурин төлөөлөгч, удирдах албан тушаалтнууд болон холбогдох хүмүүстэй албан уулзалт хийж гадаад харилцаа хамтын ажиллагааг өргөжүүлж байна.
Тус уулзалтаар Байгалийн түүхийн музейн шинэ бүтээн байгуулалтын төслийг танилцуулан хамтран ажиллах боломжуудыг ярилцав.
Байгалийн түүхийн музейн шинэчлэлт, өөрчлөлтийг олон улсын жишигт нийцүүлэхийн төлөөх үйлсэд хамтран ажиллаж буй бүх байгууллагын удирдлагуудад талархал илэрхийлье.
Байгалийн түүхийн музейн захиргаа
Харилцааны эртний улбаатай Монгол - Францын дипломат албан ёсны харилцааны 60 жилийн ой тохиосон түүхэн онд БНФУ-с Монгол улсад суугаа онц бөгөөд бүрэн эрхт элчин сайд Коринн Пэрера, тэргүүн зөвлөх Ален Пэрриэр болон соёл, хамтын ажиллагааг хариуцсан ажилтан Т.Төрням нартай албан уулзалт хийлээ.
Үүсгэн байгуулагдсан 1991 оноос эхлэн Монгол улсад Суурин төлөөлөгчийн газрыг байгуулан тасралтгүй үйл ажиллагаа явуулж буй КОЙКА-ын Суурин төлөөлөгчийн газрын орлогч дарга Ким Сон Э, хөтөлбөрийн ажилтан Б.Дуламжав нартай албан уулзалт хийж хамтран ажиллах талаар санал бодлоо солилцов.
АНУ-ын Лос Анжелес хотын Байгалийн түүхийн музейн Шинжлэх ухаан, сан хөмрөг хариуцсан Дэд Ерөнхийлөгч Луис Киарре, Монголын Динозавр Судлалын Хүрээлэнгийн үүсгэн байгуулагч, палеонтологич доктор М.Болорцэцэгтэй цахим уулзалт хийн хамтын ажиллагааны хүрээнд музейн мэргэжилтнүүдийг чадавхжуулах сургалтыг үе шаттайгаар зохион байгуулахаар харилцан тохиролцов.
