МОНГОЛ БАХАРХАЛ СОЁЛЫН БҮТЭЭЛЧ САР АЯНЫ ХҮРЭЭНД ҮНДЭСНИЙ БАХАРХАЛТ АМЬТАН МАЗААЛАЙ БААВГАЙ ХӨТӨЛБӨРТ ТЕХНИК ТЕХНОЛОГИЙН ПОЛИТЕХНИК КОЛЛЕЖИЙН СУРАЛЦАГЧИД ХАМРАГДЛАА

Соёлын бүтээлч сар аяны 2 дахь долоо хоногт Байгалийн түүхийн музей нь Үндэсний бахархалт мазаалай баавгайг таниулах ажлын хүрээнд Монгол Улсын Ерөнхийлөгчийн Тамгын газар, Байгаль орчин, уур амьсгалын өөрчлөлтийн яамны санаачлагаар Нийслэлийн боловсролын газар, Байгаль орчны мэдээлэл сургалтын төвтэй хамтран хэрэгжүүлж байна.

“Мазаалай баавгайг таниулах музейн сургалтын хөтөлбөрт” Техник Технологийн Политехник Коллеж-ийн I, II, III ангийн 723 суралцагч амжилттай хамрагдлаа.

Хөтөлбөр нь музейн өмнөх хичээл, музейн сургалт, музейн дараах сурагчдын оролцоонд тулгуурласан цогц сургалтын аргачлалаар зохион байгуулагдсанаараа онцлог байв.

Мазаалай баавгай бол дэлхийд зөвхөн Монголын говьд үлдсэн нэн ховор амьтан юм.

Түүнийг хайрлан хамгаалах нь зөвхөн байгаль хамгаалагчдын бус харин бидний ирээдүй болсон сурагч бүрийн хариуцлага гэдгийг энэ сургалт урам зоригтойгоор таниуллаа.

Ийм ач холбогдолтой сургалт, аяллыг амжилттай зохион байгуулсан бүх байгууллага, багш нар, сурагчиддаа чин сэтгэлийн талархал илэрхийлье!

МАЗААЛАЙ - МОНГОЛЫН БАХАРХАЛ, БИДНИЙ ХАРИУЦЛАГА!

Байгалиа хамгаалъя, ирээдүйгээ хамгаалъя.

#МазаалайБаавгайгХамгаалья

#ҮндэснийБахархалтАмьтан

4 сарын өмнө