МОНГОЛ БАХАРХАЛ СОЁЛЫН БҮТЭЭЛЧ САР АЯНЫ ХҮРЭЭНД ЗОХИОН БАЙГУУЛАГДСАН ҮНДЭСНИЙ БАХАРХАЛТ АМЬТАН МАЗААЛАЙ БААВГАЙ ХӨТӨЛБӨРТ НИЙСЛЭЛИЙН БАГАНУУР ДҮҮРГИЙН ЕРӨНХИЙ БОЛОВСРОЛЫН СУРГУУЛИУДЫН ДУНД, АХЛАХ АНГИЙН СУРАГЧИД ХАМРАГДЛАА
Соёлын бүтээлч сар аяны 2 дахь долоо хоногт Байгалийн түүхийн музей нь Үндэсний бахархалт мазаалай баавгайг таниулах ажлын хүрээнд Монгол Улсын Ерөнхийлөгчийн Тамгын газар, Байгаль орчин, уур амьсгалын өөрчлөлтийн яамны санаачлагаар Нийслэлийн боловсролын газар, Байгаль орчны мэдээлэл сургалтын төвтэй хамтран хэрэгжүүлж байна.
Энэхүү хөтөлбөрт зориулж тусгайлан бэлтгэсэн Түр музейн сургалтын танхимд нийслэлийн Багануур дүүргийн ерөнхий боловсролын Боловсрол, Гүнгалуутай, Оюуны Эрин цогцолбор сургуулийн дунд, ахлах ангийн сурагчид, багш, зохион байгуулагчид, хамтран ажиллагч байгууллагуудын төлөөлөл оролцлоо.
Ингэснээр нийслэлийн алслагдсан 3 дүүргийн ЕБС-ийн сурагчдад Үндэсний бахархалт Мазаалайг таниулах хөтөлбөрт амжилттай хэрэгжүүллээ.
Мазаалай баавгай бол дэлхийд зөвхөн Монголын говьд үлдсэн нэн ховор амьтан юм. Түүнийг хайрлан хамгаалах нь зөвхөн байгаль хамгаалагчдын бус харин бидний ирээдүй болсон сурагч бүрийн хариуцлага гэдгийг энэ сургалт урам зоригтойгоор таниуллаа.
Ийм ач холбогдолтой сургалт, аяллыг амжилттай зохион байгуулсан бүх байгууллага, багш нар, сурагчиддаа чин сэтгэлийн талархал илэрхийлье!
МАЗААЛАЙ - МОНГОЛЫН БАХАРХАЛ, БИДНИЙ ХАРИУЦЛАГА!
Байгалиа хамгаалъя, ирээдүйгээ хамгаалъя.
