2025 онд "Соёлын бүтээлч сар аян" улс орон даяар "Монгол бахархал" уриан дор зохион байгуулагдаж байгаа билээ. Энэхүү аяны хүрээнд 2024-2025 онд соёлын салбараас төрсөн гарсан шинэхэн докторуудын судалгааны ажлын талаарх халуун дотно яриаг өрнүүлэх "Судлаачдын яриа" уулзалтыг Байгалийн түүхийн музей 11 дүгээр сарын 28-ны Баасан гарагт зохион байгуулах гэж байна.Тус уулзалтад:"Монголын музейн хөгжил, онол-практикийн асуудал" сэдвээр докторын зэрэг хамгаалсан Соёл судлалын доктор (Ph.D), СУСХ-ийн эрдэм шинжилгээний ахлах ажилтан С.Энхнаран,"Музейн үзмэрт суурилсан ЕБС-ийн хичээлийг интеграцчилан туршсан судалгааны үр дүн" (ЧХҮМ-н жишээн дээр) сэдвээр докторын зэрэг хамгаалсан Боловсрол судлалын доктор (Ph.D), ЧХҮМ-н менежер Д.Эрдмаа,"Соёл иргэншлийн аюулгүй байдалд соёлын өв нөлөөлөх нь" сэдвээр докторын зэрэг хамгаалсан Аюулгүй байдал судлалын доктор (Ph.D), ССАЖЗЯ, Бодлого, төлөвлөлтийн газрын Соёлын өвийн бодлого, төлөвлөлт, тайлагналт, судалгаа хариуцсан шинжээч Ч.Нацагням нар оролцох болно.