2025 оны 12 дугаар сарын 31-ний өдрийн Засгийн газрын хуралдаанаар Байгалийн түүхийн музейг 'Байгалийн шинжлэх ухааны үндэсний музей' болгон өөрчлөн байгуулах түүхэн шийдвэр гарлаа. Энэхүү түүхэн шийдвэр нь Монгол улсын шинжлэх ухаан, танин мэдэхүй болон соёлын салбарыг шинэ шатанд гаргах чухал алхам юм.
Энэхүү шинэ статус нь музейн үйл ажиллагааг олон улсын судалгаа шинжилгээний түвшинд гаргаж, эрдэм шинжилгээний томоохон төв болох өргөн боломжийг нээж байна. Энэхүү үйл хэргийн төлөө сэтгэл зүрхээ зориулж ирсэн үе үеийн удирдлагууд болон нийт хамт олондоо халуун баяр хүргэе!
Мөн 100 жилийн түүхтэй Байгалийн түүхийн музейгээр зочилж, биднийг үргэлж дэмжиж, хамтран ажиллаж ирсэн эрхэм үзэгчид, дэмжигчиддээ ирж буй 2026 оны баярын мэндийг хүргэе.
Угтан золгож буй шинэ ондоо:
• Эрүүл энх, аз жаргалаар дүүрэн байж,
• Эрдэм мэдлэг, шинэ нээлтээр арвин,
• Хүсэл мөрөөдөл бүхэн тань биелсэн гайхалтай жил байх болтугай.

Хүндэтгэсэн,
Байгалийн түүхийн музейн захирал Н.Манчук