ᠨᠡᠷᠡ: “ᠦᠨᠡᠨ”
ᠲᠥᠷᠦᠯ: ᢉᠡᠷᠡᠯ ᠵᠢᠷᠤᠭ᠂ ᠪᠠᠷᠢᠮᠲᠠᠲᠤ ᠥᠪ᠂ ᠬᠠᠨᠠ ᠶ᠋ᠢᠨ ᠰᠠᠮᠪᠠᠷᠠ ᠬᠤᠭᠤᠴᠠᠭᠠ: ᠒᠐᠒᠔᠂᠐᠕᠂᠑᠘-᠐᠖᠂᠐᠕ ᠬᠠᠮᠢᠭᠠ: ᠪᠠᠶᠢᠭᠠᠯᠢ ᠶ᠋ᠢᠨ ᠲᠡᠦᢈᠡ ᠶ᠋ᠢᠨ ᠮᠦᠽᠧᠢ᠃ ᠓ ᠳᠠᠪᠬᠤᠷ ᠲᠤ᠃ ᠲᠦᠷ ᠦᠵᠡᠰᢈᠦᠯᠡᠩ ᠦ᠋ᠨ ᠲᠠᠩᢈᠢᠮ᠃ ᠦᠵᠡᠰᢈᠦᠯᠡᠩ ᠦ᠋ᠨ ᠲᠤᠬᠠᠢ ᠲᠣᠪᠴᠢ: ᠦᠵᠡᠰᢈᠦᠯᠡᠩ ᠢ᠋ ᠮᠣᠩᠭᠣᠯ ᠤᠯᠤᠰ ᠲᠤ ᠣᠷᠴᠢᠨ ᠴᠠᠭ ᠤ᠋ᠨ ᠮᠦᠽᠧᠢ ᠡᢉᠦᠰᠴᠦ ᢈᠥᢉᠵᠢᢉᠰᠡᠨ ᠦ᠋ ᠑᠐᠐ ᠵᠢᠯ ᠦ᠋ᠨ ᠣᠢ᠂ ᠣᠯᠠᠨ ᠤᠯᠤᠰ ᠤ᠋ᠨ ᠮᠦᠽᠧᠢ ᠶ᠋ᠢᠨ ᠡᠳᠦᠷ᠂ ᠪᠠᠶᠢᠭᠠᠯᠢ ᠶ᠋ᠢᠨ ᠲᠡᠦᢈᠡ ᠶ᠋ᠢᠨ ᠮᠦᠽᠧᠢ ᠡᢉᠦᠰᠴᠦ ᢈᠥᢉᠵᠢᢉᠰᠡᠨ ᠦ᠋ ᠑᠐᠐ ᠵᠢᠯ ᠦ᠋ᠨ ᠣᠢ ᠳ᠋ᠤ ᠵᠣᠷᠢᠭᠤᠯᠤᠨ ᠳᠢᢉᠯᠡᢉᠰᠡᠨ᠃ ᠡᠨᠡ ᢈᠦ ᠦᠵᠡᠰᢈᠦᠯᠡᠩ ᠦ᠋ᠨ ᠵᠣᠷᠢᠯᠭᠠ ᠨᠢ: ᠪᠠᠶᠢᠭᠠᠯᠢ ᠶ᠋ᠢᠨ ᠲᠡᠦᢈᠡ ᠶ᠋ᠢᠨ ᠮᠦᠽᠧᠢ ᠶ᠋ᠢᠨ ᠲᠡᠦᢈᠡᠨ ᢈᠥᢉᠵᠢᠯ ᠵᠠᠮᠨᠠᠯ ᠢ᠋ ᠣᠯᠠᠨ ᠳ᠋ᠤ ᠲᠠᠨᠢᠭᠤᠯᠬᠤ᠂ ᠲᠡᢉᠦᠪᠡᠷ ᠳᠠᠮᠵᠢᠭᠤᠯᠤᠨ ᠮᠦᠽᠧᠢ ᢉᠡᢈᠦ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ᠂ ᠣᠯᠤᠯᠲᠠ ᠠᠮᠵᠢᠯᠲᠠ᠂ ᠨᠡᠶᠢᢉᠡᠮ ᠳ᠋ᠦ ᢉᠦᠢᠴᠡᠳᢈᠡᢈᠦ ᠴᠢᢉ ᠡᢉᠦᠷᢉᠡ ᠶ᠋ᠢ ᠰᠤᠷᠲᠠᠯᠴᠢᠯᠠᠬᠤ ᠳ᠋ᠤ ᠣᠷᠤᠰᠢᠨᠠ᠃ ᠡᠨᠡ ᢈᠦ ᠦᠵᠡᠰᢈᠦᠯᠡᠩ ᠳ᠋ᠦ ᠲᠡᠦᢈᠡᠨ ᠦᠨᠡᠨ ᠢ᠋ ᢉᠡᠷᠡᠴᠢᠯᠡᢈᠦ ᠹᠣᠲ᠋ᠣ᠋ ᠵᠢᠷᠤᠭ᠂ ᠪᠠᠷᠢᠮᠲᠠᠲᠤ ᠪᠦᠰ ᠢ᠋ ᠳᠡᠯᢉᠡᢉᠰᠡᠨ ᠨᠢ ᠮᠦᠽᠧᠢ ᠰᠤᠳᠤᠯᠤᠭᠠᠴᠢ ᠨᠠᠷ ᠤ᠋ᠨ ᠰᠤᠳᠤᠯᠭᠠᠨ ᠳ᠋ᠤ ᠲᠦᠯᢈᠢᠴᠡ ᠮᠡᠳᠡᢉᠡᠯᠡᠯ ᠪᠣᠯᠤᠨᠠ ᢈᠡᠮᠡᠨ ᠦᠵᠡᠵᠦ ᠪᠠᠶᠢᠨᠠ᠃ ᠦᠵᠡᠰᢈᠦᠯᠡᠩ ᠳ᠋ᠦ ᠣᠷᠤᠯᠴᠠᠭᠰᠠᠨ ᠡᢈᠡ ᠮᠠᠲ᠋ᠧᠷᠢᠠᠯ ᠤ᠋ᠳ ᠢ᠋ ᠪᠠᠶᠢᠭᠠᠯᠢ ᠶ᠋ᠢᠨ ᠲᠡᠦᢈᠡ ᠶ᠋ᠢᠨ ᠮᠦᠽᠧᠢ ᠶ᠋ᠢᠨ ᠪᠦᠷᠢᠳᢈᠡᠯ ᠮᠡᠳᠡᢉᠡᠯᠡᠯ ᠦ᠋ᠨ ᠰᠠᠩ ᠢ᠋ ᠲᠦᠰᠢᢉᠯᠡᠨ ᠪᠡᠯᠡᠳᢈᠡᠵᠦ ᠹᠣᠲ᠋ᠣ᠋ ᠰᠲ᠋ᠦ᠋ᠳᠢ ᠳ᠋ᠤ ᠬᠠᠭᠤᠴᠢᠨ ᠤ᠋ ᠹᠣᠲ᠋ᠣ᠋ ᠵᠢᠷᠤᠭ ᠤ᠋ᠳ ᠢ᠋ ᠰᠡᠷᢉᠦᢉᠡᢈᠦ ᠠᠵᠢᠯ ᢈᠢᢉᠳᠡᢉᠰᠡᠨ᠃