Байгалийн шинжлэх ухааны үндэсний музейн шинэ барилгын төсөл нь шинжлэх ухаан, боловсрол, аялал жуулчлалын салбарт өндөр ач холбогдолтой томоохон бүтээн байгуулалт юм.

Монгол Улсад хэрэгжиж буй

Тус музейг Их Тэнгэрийн аманд гурван үндсэн блок бүхий (А, B, C) бүтэцтэйгээр барьж байна.

Нийт барилгын талбай 47733 м² талбай.

А блок – орчлонгийн үүслийн танхим, газарзүй, геологийн үзмэр, боловсролын хөтөлбөрийн өрөө, олон улсын хурлын танхим

B блок – хүний үүсэл, шинжлэх ухааны танхим, түр үзэсгэлэн, сургалтын театр, музейн сан хөмрөг байрлана.

C блок – палеонтологийн буюу үлэг гүрвэлийн хэсэг бөгөөд Монголд олдсон ховор нандин олдворуудыг дэлгэн үзүүлэх юм.

Музейн барилгын ажлын гүйцэтгэл 66 хувьтай, 2026 онд хэсэгчлэн, 2027 онд бүрэн ашиглалтад орно.

Нийт 250 орчим ажилтан, 571 автомашины зогсоолтой, гадна талбайдаа театр, цэцэрлэгт хүрээлэн, хиймэл нуур, шувуу ажиглах хэсэг бүхий боловсрол, амралт хосолсон орчныг бүрдүүлэх юм.

Төслийг Засгийн газар, Нийслэлийн зүгээс бүрэн дэмжиж ажиллаж байгаа бөгөөд хэрэгжсэнээр:

Байгалийн шинжлэх ухаанд суурилсан боловсролыг өргөжүүлэх,

Хүүхэд, залуусын шинжлэх ухаанд сонирхолтой болох нөхцөлийг бүрдүүлэх,

Аялал жуулчлалын шинэ төв бий болгох,

Монголын байгалийн өв, олдворуудыг дэлхийн түвшинд сурталчлах ач холбогдолтой.

Байршил: Хан-Уул дүүрэг, Их Тэнгэрийн ам

Гүйцэтгэл: 66%

Хугацаа: 2024–2027 он

Зорилго: Байгалийн шинжлэх ухаанд суурилсан боловсрол, аялал жуулчлал, судалгааны үндэсний төв байгуулах.

1 сарын өмнө